A loita contra o cambio climático a través das estratexias de adaptación e mitigación ten que ir acompañada de medidas de transición xusta que impidan que as repercusións negativas sexan asumidas polas persoas traballadoras. Para lograr tal obxectivo, a negociación colectiva ten que incorporar cláusulas en tal sentido. As seguintes páxinas están dedicadas a examinar criticamente as medidas adoptadas polos convenios colectivos, destacar aquelas boas prácticas e propor solucións para levar a cabo unha transición ecolóxica xusta a través dos empregos verdes.

O obxectivo do presente estudo é analizar cales sonasobrigas do empresario que incorpora produtos de traballo ou sistemas de software baseados na intelixencia artificial. Para iso, realízase unha caracterización xenérica destes novos desenvolvementos tecnolóxicos e das oportunidades e retos que formulan en materia preventiva. Posteriormente, descéndese á análise de cales son as obrigas do empresario que incorpora estes novos equipos con fins produtivos, de xestión de recursos humanos ou para o cumprimento das súas obrigas preventivas. Para iso, pártese, en primeiro lugar, da normativa xeral de seguridade dos produtos e da normativa específica sobre sistemas de IA; en segundo lugar, analízanse as obrigas derivadas da normativa de protección de datos cando se introducen equipos dotados con sistemas de IA que implican un tratamento de datos; por último, estúdanse as obrigas específicas en materia de prevención de riscos laborais, profundando nas súas conexións coa nova normativa sobre IA.

Analízase aquí, dende o punto de vista do Dereito español doTraballo e da Seguridade Social, as implicacións laborais e de seguridade social que ten o cumprimento do deber de prestar auxilio a toda persoa que se atope en perigo de desaparecer no mar, tendo en conta que esta análise se efectúa sempre no contexto do Dereito internacional que aquí resulta de aplicación. Trátase dun deber que impacta sobre quen traballa a bordo do buque e tamén sobre a actividade económica da empresa marítimo-pesqueira, razón pola que convén non esquecer que este impacto ten consecuencias innegables (especialmente, cando se trata do rescate de persoas migrantes e refuxiadas), que poden acabar desincentivando as operacións de procura, salvamento e desembarco das persoas rescatadas. Por iso, propóñense algunhas medidas que, máis aló da imposición de sancións, pretenden facilitar e incentivar unha práctica moi nobre e solidaria, que é case tan antiga como a humanidade mesma. 

Notas sobre as sentenzas máis destacadas do Tribunal Superior de Xustiza de Galicia en materia de dereito individual do traballo ditadas no segundo semestre de 2022.

Notas sobre as sentenzas máis destacadas do Tribunal Superior de Xustiza de Galicia en materia de dereito colectivo do traballo ditadas no segundo semestre de 2022.

Notas sobre as sentenzas máis destacadas do Tribunal Superior de Xustiza de Galicia en materia de dereito da seguridade social ditadas no segundo semestre de 2022.

Recensión do libro: DE LA IGLESIA AZA, L., "Régimen jurídico del personal estatutario", Bomarzo (Albacete, 2022), 264 páxs.

Recensión do libro: BAYLOS GRAU, A., "Deslocalizaciones de empresas y despidos colectivos", Bomarzo (Albacete, 2022), 113 páxs.

Recensión do libro: LOUSADA AROCHENA, J. F., PAZOS PÉREZ, A. y RON LATAS, R. P., "Trabajo a distancia y teletrabajo. Regulación laboral, procesal y de seguridad social; teletrabajo transnacional", Tecnos (Madrid, 2022), 360 páxs,

Observatorio de negociación colectiva en Galicia correspondente ao 1º semestre de 2023.