O Consello Galego de Relacións Laborais, a Universidade de Vigo, materializada no departamento de Dereito do Traballo desa Universidade e o Consorcio da Zona Franca de Vigo, organizan unha xornada sobre Os despedimentos á vista das últimas reformas na que se analizará con detalle os cambios introducidos coas reformas laborais destes tres últimos anos respecto aos despedimentos individuais e aos despedimentos colectivos, así como ás numerosas modificacións de carácter técnico na regulación substantiva destes e no procedemento de impugnación xudicial nesta materia.
Cuestións como a regulación dos despedimentos obxectivos, dos despedimentos nas administracións públicas, do tratamento dos EREs ou dos expedientes concursais, os aspectos procesuais nos salarios de tramitación ou os procesos xudiciais de impugnación dos despedimentos colectivos, serán analizadas esmiuzamente e debatidas ao longo desta xornada.
A estas e a outras cuestións tratarán de dar resposta as persoas que interveñen nesta xornada, que nace cunha vocación de utilidade pública, de formación, difusión e debate neste sempre cambiante mundo das relacións laborais e cunha finalidade de posta ao día respecto dun tema de actualidade como é a reforma laboral.
Esta xornada diríxese aos axentes sociais galegos, ao alumnado da Universidade de Vigo, aos graduados/as sociais, aos avogados/as, aos profesionais vencellados coa materia e a todas aquelas persoas interesadas na materia a debate.
Data: 4 de decembro de 2012
Horario: de 16:00 h. a 21:00 h.
Lugar: Sala de Exposicións Consorcio da Zona Franca de Vigo. Área Portuaria de Bouzas VIGO.
Número de prazas: prazas limitadas ata completar o aforo.
Inscricións: Faranse por orde de solicitude ata completar o aforo, en horas de 8:30 a 14:30, dende o 21 de novembro ao 3 de decembro de 2012, nos seguintes lugares:
Consello Galego de Relacións Laborais
Tfno. 981 957 489
Fax: 981 541 610
e-mail: maria.jesus.diaz.lorenzana@xunta.es
Universidade de Vigo
Facultade de Ciencias Xurídicas e do Traballo
Área de Dereito do Traballo e da Seguridade Social
Campus As Lagoas, s/n. Vigo.
Tfno.: 986 814 084
e-mail: nora@uvigo.es