O Consello Galego de Relacións Laborais, a Universidade de Vigo, materializada no departamento de Dereito do Traballo desa Universidade e o Consorcio da Zona Franca de Vigo, organizan unha xornada sobre “Cambios na seguridade social e emprego xuvenil” na que se analizará con detalle os cambios introducidos no tratamento normativo da xubilación, así como os cambios con respecto ao emprego xuvenil, ás medidas de incentivo do autoemprego, da reforma da prestación por desemprego, da contratación temporal e o establecemento de especialidades para os primeiros contratos de traballo da xente nova.

Cuestións como os cambios recentes no tratamento da xubilación, o réxime legal e aspectos de seguridade social no contrato a tempo parcial, o réxime legal dos contratos formativos, o emprendemento xuvenil ou a inserción laboral de colectivos desfavorecidos, serán analizados esmiuzamente e debatidos ao longo desta xornada.

A estas e a outras cuestións tratarán de dar resposta as persoas que interveñen nesta xornada, que nace cunha vocación de utilidade pública, de formación, difusión e debate neste sempre cambiante mundo das relacións laborais e cunha finalidade de posta ao día respecto de aspectos da contratación que son cruciais e de plena actualidade.

Esta xornada diríxese aos axentes sociais galegos, ao alumnado da Universidade de Vigo, aos graduados/as sociais, aos avogados/as, aos profesionais vencellados coa materia, ás empresas e traballadores/as da zona franca de Vigo e a todas aquelas persoas interesadas na materia a debate.

Data: 28 de novembro de 2013

Horario: de 16:00 h. a 21:00 h.

Lugar: Auditorio do Museo do Mar de Galicia – Avenida Atlántida, 160 - VIGO.

Número de prazas: prazas limitadas ata completar o aforo.

Inscricións: Faranse por orde de solicitude ata completar o aforo, en horas de 8:30 a 14:30, dende o 4 ao 27 de novembro de 2013, nos seguintes lugares:

Consello Galego de Relacións Laborais
Tfno. 981 957 489
Fax: 981 541 610
e-mail: maria.jesus.diaz.lorenzana@xunta.es

Universidade de Vigo
Facultade de Ciencias Xurídicas e do Traballo
Área de Dereito do Traballo e da Seguridade Social
Campus As Lagoas, s/n. Vigo.
Tfno.: 986 813 769
e-mail: milenabogoni@uvigo.es