O Consello Galego de Relacións Laborais, no desenvolvemento da súa función de promover e fomentar o debate sobre cuestións de actualidade, acordou a celebración desta xornada na que se analizará con detalle as recentes reformas laborais.

Estamos a vivir tempos de cambios normativos no eido das relacións laborais. Nos últimos dous anos sucedéronse a un ritmo frenético reformas laborais e de Seguridade Social. Actualmente está en tramitación parlamentaria o proxecto de lei pola que se modifica o texto refundido da Lei Xeral da Seguridade Social en relación co réxime xurídico das Mútuas de Accidentes de Traballo e Enfermidades Profesionais da Seguridade Social e contamos con cambios e medidas recentes en control da incapacidade temporal e das enfermidades profesionais.

Esta xornada organizada polo Consello Galego de Relacións Laborais e a Facultade de Ciencias do Traballo da Universidade da Coruña, diríxese ás alumnas e alumnos desta Facultade sita en Ferrol e, en xeral, da UDC, aos axentes sociais galegos, aos profesionais vencellados coa materia, avogados/as, graduados/as sociais e a todas aquelas persoas interesadas na materia a debate.

Data: 19 de Novembro de 2014
Lugar: Salón de Actos do Campus Universitario de Esteiro da UDC (campus Esteiro, r/ San Ramón s/n – Ferrol)

Número de prazas: prazas limitadas ata completar o aforo.

Inscricións: Faranse por orde de solicitude ata completar o aforo, en horas de 8:30 a 14:30, dende o 3 ao 17 de novembro de 2014, nos seguintes enderezos:

Consello Galego de Relacións Laborais.
r/ Algalia de Abaixo, 24 – Santiago de Compostela
Tfno.: 981 957 489
Fax: 981 541 610
e-mail: maria.isabel.mosquera.bonome@xunta.es

Facultade de Ciencias do Traballo da UDC
Campus Esteiro
r/ San Román s/n
Tfno.: 981 337 400. Ext. 3577
Fax: 981 337 422
e-mail: decanato.fct@udc.es