O Consello Galego de Relacións Laborais, no desenvolvemento da súa función de promover e fomentar o debate sobre cuestións de actualidade, acordou a celebración desta xornada na que se analizará con detalle a recente reforma laboral.
Nesta xornada analizaranse e debateranse cuestións sobre a nova reforma laboral que o goberno vén de aprobar mediante o Real decreto-lei 10/2011, do 26 de agosto, de medidas urxentes para a promoción do emprego dos mozos e mozas, o fomento da estabilidade no emprego e o mantemento do programa de recualificación profesional das persoas que agoten a súa protección por desemprego. Regúlase un novo contrato para a formación e a aprendizaxe e suspéndese a aplicación do artigo 15.5 do Estatuto dos Traballadores respecto ao encadeamento de contratos temporais, é dicir, suprímese a obrigatoriedade de facer fixos despois de dous anos ás persoas traballadoras que teñan un contrato temporal.
Esta reforma, unida ás levadas a cabo pola Lei 35/2010, do 17 de setembro, de medidas urxentes para a reforma do mercado de traballo e polo RDL 7/2011, do 10 de xuño, de medidas urxentes para a reforma da negociación colectiva, transforman as nosas relacións laborais.
Non cabe dúbida que a reforma do mercado de traballo condicionará dun xeito moi notable o devir das relacións laborais dos vindeiros anos polo que cómpre que sexa analizada con detalle.
Esta xornada organizada polo Consello Galego de Relacións Laborais e a Facultade de Ciencias do Traballo da Universidade da Coruña, diríxese ás alumnas e alumnos desta Facultade sita en Ferrol e, en xeral, da UDC, aos axentes sociais galegos, aos profesionais vencellados coa materia, avogados/as, graduados/as sociais e a todas aquelas persoas interesadas na materia a debate.
Lugar: Aula Magna da Facultade de Ciencias do Traballo (campus Esteiro, r/ San Ramón s/n Ferrol)
Número de prazas: prazas limitadas ata completar o aforo.
Inscricións: Faranse por orde de solicitude ata completar o aforo, en horas de 8:30 a 14:30, dende o 14 ao 28 de novembro de 2011, nos seguintes enderezos:
Consello Galego de Relacións Laborais.
r/ Algalia de Abaixo, 24 Santiago de Compostela
Tfno.: 981 957 489
Fax: 981 541 610
e-mail: maria.jesus.diaz.lorenzana@xunta.es
Facultade de Ciencias do Traballo da UDC
Campus Esteiro
r/ San Ramón s/n
Tfno.: 981 337 400. Ext. 3577
Fax: 981 337 422
e-mail: sdrellab@cdf.udc.es