Este seminario que foi aprobado polo Pleno do Consello na súa planificación de actividades para o 2012 tivo como obxectivo a análise das profundas reformas laborais operadas neste eido e, máis concretamente, no relativo á negociación colectiva e os seus contidos logo das sucesivas reformas laborais levadas a cabo recentemente e, sobre todo, a través do Real decreto 3/2012, do 10 de febreiro, de medidas urxentes para a reforma do mercado laboral.

As relatoras neste Seminario foron Consuelo Ferreiro Regueiro, profesora titular de dereito do traballo e da seguridade social da Universidade de Santiago de Compostela e Pilar Rivas Vallejo, profesora titular de dereito do traballo e da seguridade social da Universidade de Barcelona.