A Lei de Orzamentos Xerais incluíu unha limitación que afecta os traballadores daquelas contratas ou concesións que finalizan a súa vixencia ou son rescindidas pola Administración. Nos actuais procesos de reversión, esta norma ten unha incidencia directa tendo en conta que podería significar a limitación -mesmo prohibición- destas decisións. Con todo, a lei admite a aplicación das garantías laborais derivadas da sucesión de empresa. Esta análise expón as claves para interpretar unha norma aparentemente contraditoria, mesmo coa posibilidade de que se cre unha nova figura, a do traballador non empregado público.