A protección de datos é un dereito fundamental que permaneceu larvado, pero a partir da STC 29/2013 emerxeu con forza, someténdose a diversos vaivéns xurisprudenciais que ao final viñeron a consagralo como un dereito máis potente que a propia intimidade ou o secreto das comunicacións, impoñendo os seus principios de actuación moito máis esixentes e formalistas que o que serviran ata agora para limitar outros dereitos fundamentais. A súa concepción está en pleno crecemento polo que non é posible pechar a súa delimitación, e iso xera problemas de interpretación e constante readaptación.