A STS- Civi­­­­ l 201/2019 aborda unha cuestión referida á honra (profesional e persoal) do toureiro Víctor Barrio, defendido polos seus causahabientes fronte a unha persoa que celebrou que un touro acabase coa súa vida. Tanto o problema xenérico (conflito entre a liberdade de expresión e o dereito á honra) canto o concreto litixio que xorde (concelleira animalista que escribe na súa conta de Facebook un comentario sobre a morte do toureiro) merecen un detido exame. A figura do matador de touros foi obxecto de estudo xurídico desde diversas perspectivas, incluíndo a referida á natureza do vínculo que discorre tanto entre el e a entidade que organiza o correspondente festexo canto entre el e os membros da súa cuadrilla. En todo caso, non é dubidoso que se trata dunha persoa que desenvolve actividade produtiva no mundo do espectáculo público. E que o traballo propio deste colectivo aparece contemplado xeralmente por normas de Dereito do Traballo