Transcorridos os sete primeiros meses do ano, cabe sinalar que tense producido un acusado incremento do número de solicitudes de mediación e arbitraxe ao abeiro do AGA. No referente ao número de solicitudes presentadas, este incremento é dun 75% con respecto as mesmas datas do ano 2012.

Entre os procedementos resoltos cun resultado positivo o incremento resulta ser aínda máis significativo, acadándose un 80% máis de acordos no intervalo temporal de referencia. No mesmo senso, cabe suliñar que os expedientes resoltos sen acordo véronse reducidos nun 40% no citado período.