O artigo procede ao estudo do Piar Europeo de Dereitos Sociais, dende o seu punto de partida en setembro de 2015 ata a aprobación dunha Recomendación da Comisión Europea en abril de 2017. É obxecto de atención o contido do Piar, que novidades introduce con respecto ao marco normativo europeo vixente en materia de política social. Constátanse as limitacións respecto á ampliación competencial, dada a distribución de competencias que establece a normativa comunitaria entre a Unión e os Estados membro, e ao mesmo tempo sinálanse as novidades soft law que incorpora o Piar.

Nos últimos tempos, a contratación externalizada está a transformarse nun mecanismo de redución de custos laborais, aproveitando determinados baleiros na súa regulación. Este artigo analiza a relativa ineficacia do principio de igualdade clásico, en especial na aplicación de convenios colectivos, e explora as vulneracións do principio de non discriminación que poden darse a través do contrato de obra vinculado a contratas e nos despedimentos obxectivos ou colectivos derivados da externalización.

A Lei de Orzamentos Xerais incluíu unha limitación que afecta os traballadores daquelas contratas ou concesións que finalizan a súa vixencia ou son rescindidas pola Administración. Nos actuais procesos de reversión, esta norma ten unha incidencia directa tendo en conta que podería significar a limitación -mesmo prohibición- destas decisións. Con todo, a lei admite a aplicación das garantías laborais derivadas da sucesión de empresa. Esta análise expón as claves para interpretar unha norma aparentemente contraditoria, mesmo coa posibilidade de que se cre unha nova figura, a do traballador non empregado público.

Notas sobre as sentenzas máis destacadas en materia de Dereito individual do traballo relacionadas con Galicia no segundo semestre de 2016

Comentario de xurisprudencia e doutrina xudicial sobre a temática "Dereito colectivo", correspondente ao segundo semestre de 2016

Notas sobre as sentenzas máis destacadas en materia de Dereito da Seguridade Social relacionadas con Galicia no segundo semestre de 2016

Balance da negociación colectiva en Galicia no ano 2016

Recensión de Mª.I. Ribes Moreno, El Contrato de embarco en la marina mercante, Tirant lo Blanch (Valencia, 2014), 399 págs.

Recensión de O. Fotinopoulou Basurko (dir.), El desplazamiento de trabajadores en el marco de la Unión Europea: presente y futuro, Atelier (Barcelona, 2017)